ភាសាខ្មែរនៅថ្ងៃនេះ មជ្ឈមណ្ឌលភាសា អាយ អាយ សាខាចំការដូងរបស់យើងពោរពេញទៅដោយសំណើច ភាពសប្បាយរីករាយ និងស្នាមញញឹមដ៏ស្រស់ស្រាយ ខណៈដែលយើងបានប្រារព្ធ
ពិធីអបអរសាទរទិវាកុមារអន្តរជាតិជាមួយសិស្សានុសិស្សអ្នកគ្រូ លោកគ្រូមាតាបិតា និងអ្នកអាណាព្យាបាលទាំងអស់។
ចំណុចពិសេសមួយនៃកម្មវិធីគឺការសម្តែងដ៏អស្ចារ្យពីសិស្សានុសិស្សថ្នាក់ Pre-Kid និងកម្មវិធី Kid របស់យើង។ ការមើលឃើញប្អូនៗសិស្សានុស្សរបស់យើងឡើងលើឆាកដោយភាពជឿជាក់ ដើម្បីច្រៀង រាំ និងបង្ហាញសមត្ថភាពរបស់ពួកគេនៅចំពោះមុខមិត្តភក្តិ និងក្រុមគ្រួសារ ពិតជាធ្វើឱ្យយើងមានអារម្មណ៍រំភើប និងកក់ក្តៅក្នុងចិត្តជាខ្លាំង។ ភាពរីករាយ ភាពក្លាហាន និងភាពស្វាហាប់របស់ពួកគាត់ បានរំលឹកយើងអំពីសារៈសំខាន់នៃការបង្កើតបទពិសោធន៍សិក្សាដែលមានអត្ថន័យ និងជួយឱ្យកុមារលូតលាស់ប្រកបដោយទំនុកចិត្ត។
ទិវាកុមារអន្តជាតិមិនមែនគ្រាន់តែជាការប្រារព្ធពិធីប៉ុណ្ណោះទេ ប៉ុន្តែជាការរំលឹកអំពីសារៈសំខាន់នៃការលើកកម្ពស់សក្តានុពល ភាពច្នៃប្រឌិត និងសុភមង្គលរបស់កុមារគ្រប់រូប។ កម្មវិធីនៅថ្ងៃនេះបានផ្តល់ឱកាសដ៏ល្អមួយសម្រាប់ អ្នកអាណាព្យាបាលទាំងអស់របស់យើងក្នុងការជួបជុំគ្នា និងអបអរសាទរភាពពិសេសដែលមាននៅក្នុងកុមារគ្រប់ៗរូប។
សូមថ្លែងអំណរគុណយ៉ាងជ្រាលជ្រៅដល់អ្នកគ្រូ លោកគ្រូ បុគ្គលិកគ្រប់ផ្នែក មាតាបិតា និងអ្នកអាណាព្យាបាលទាំងអស់ ដែលបានចូលរួមគាំទ្រ និងខិតខំប្រឹងប្រែងធ្វើឱ្យកម្មវិធីនេះក្លាយជាអនុស្សាវរីយ៍ដ៏ល្អប្រពៃមួយ។ ជាពិសេស សូមអរគុណដល់សិស្សានុសិស្សជាទីស្រឡាញ់របស់យើង ដែលបាននាំមកនូវថាមពល សំណើច និងការបំផុសគំនិតដល់មជ្ឈមណ្ឌលភាសា អាយ អាយទាំងមូល។
រីករាយទិវាកុមារអន្តជាតិ! សូមឱ្យកូនៗបន្តរៀនដោយភាពចង់ដឹងចង់ឃើញ លូតលាស់ដោយទំនុកចិត្ត និងហ៊ានស្រមៃធំៗដោយគ្មានដែនកំណត់។
